NEWS

നമസ്തേ. TEAM KAMBALLUR GREETS YOU. PLS VISIT OUR FACEBOOK PAGE http://www.facebook.com/nssghsskamballur
അഭിനന്ദനങ്ങൾ -കമ്പല്ലൂർ ഹയർ സെക്കന്ററി സ്‌കൂളിന് ഈ വർഷം(2016-17) നാഷണൽ സർവീസ് സ്‌കീം സംസ്ഥാന തല സ്‌പെഷൽ അവാർഡ് നേടിക്കൊടുത്ത എൻ എസ് എസ് യൂണിറ്റിലെ വിദ്യാർത്ഥികൾക്കും പ്രോഗ്രാം ഓഫിസർ കെ എൻ മനോജ്‌കുമാർ സാറിനും സംസ്ഥാന തല വളന്റിയർക്കുള്ള അവാർഡ് കമ്പല്ലൂർ യൂണിറ്റിൽ ആദ്യമായി നേടിയ സ്നേഹ റ്റി പി ക്കും . PLS VISIT OUR FACEBOOK PAGE -www.facebook.com/nssghsskamballur..പുതിയ പ്രോഗ്രാം ഓഫിസർ ശ്രീ പ്രവീൺകുമാർ സാറിന് ആശംസകൾ .*****
NEWS TODAY

Monday, June 5, 2017

തേജസ്വിനിയുടെ തീരങ്ങള്‍ ഹരിതാഭമാക്കാന്‍ കമ്പല്ലൂര്‍ സ്കൂളിലെ എന്‍ എസ്സ് എസ്സ്






തേജസ്വിനിയുടെ തീരങ്ങള്‍ ഹരിതാഭമാക്കാന്‍ കമ്പല്ലൂര്‍ സ്കൂളിലെ എന്‍ എസ്സ് എസ്സ്

 
ചെക്ക്ഡാം നിര്‍മ്മാണത്തിലൂടെ മരങ്ങളെല്ലാം വെട്ടിമുറിക്കപ്പെട്ട ചെറുപുഴയിലെ തേജസ്വിനീ തീരത്തിനെ വീണ്ടും പച്ചയുടിപ്പിക്കുവാനുള്ള കര്‍മ്മപദ്ധതിക്ക് കമ്പല്ലൂര്‍ ഗവഃ ഹയര്‍ സെക്കന്ററി സകൂളിലെ എന്‍ എസ്സ് എസ്സ് യൂണിറ്റ് തുടക്കം കുറിച്ചു. ആയന്നൂരിലെ തേജസ്വിനി ഫാം ക്ലബ്ബ്, ഇ എം എസ്സ് ഗ്രന്ഥാലയം എന്നിവരുടെ സഹകരണത്തോടെയാണ് ഈ പദ്ധതി നടപ്പിലാക്കുന്നത്. ചെക്ക്ഡാം നിര്‍മ്മാണത്തിലൂടെ നഷ്ടപ്പെട്ട പുഴയടെ സ്വാഭാവികതയെ വീണ്ടെടുക്കാനുള്ള ദീര്‍ഘകാല പദ്ധതിയാണ് ഈ കൂട്ടായ്മ ആവിഷ്കരിച്ചിട്ടുള്ളത്. പരിസ്ഥിതി ദിനത്തില്‍ ആരംഭിച്ച്, ഒക്ടോബര്‍ സെപ്റ്റംബര്‍ മാസങ്ങളില്‍ പുഴയുടെ തീരങ്ങളില്‍ അനുയോജ്യമായ വൃക്ഷത്തൈകള്‍ വച്ചു പിടിപ്പിച്ച് തുടര്‍ന്നുള്ള കാലയളവില്‍ അവയെ സംരക്ഷിക്കുവാനാണ് ലക്ഷ്യമിട്ടിട്ടുളളത്. പദ്ധതിയുടെ ഔപചാരികമായ ഉദ്ഘാടനം ഗ്രന്ഥശാലാ സംഘം വെള്ളരിക്കുണ്ട് സെക്രട്ടറി ഏ ആര്‍ സോമന്‍ മാസ്റ്റര്‍ നിര്‍വ്വഹിച്ചു.
സംസ്ഥാനത്തെ മികച്ച എൻഎസ്എസ് പ്രോഗ്രാം ഓഫിസറായി തിരഞ്ഞെടുക്കപ്പെട്ട കമ്പല്ലൂർ സ്കൂളിലെ അധ്യാപകൻ കെ.എൻ.മനോജ്കുമാർ, മികച്ച വൊളന്റിയറായ സ്നേഹ പി.റ്റി എന്നിവർക്കും ചടങ്ങിൽവച്ച് ഉപഹാരങ്ങൾ നൽകി.


Saturday, December 17, 2016

16 / 12 /2016 എൽ.ഇ.ഡി ബൾബ് നിർമാണ ശില്പശാല നടത്തി

നാഷണൽ സർവീസ് സ്കീം കമ്പല്ലൂർ സ്കൂൾ യൂണിറ്റിന്റെ നേതൃത്വത്തിൽ പങ്കാളിത്ത ഗ്രാമത്തിെലെ വനിതകൾക്ക് എൽ.ഇ.ഡി ബൾബ് നിർമാണ ശില്പശാല നടത്തി 30 വനിതകൾ പങ്കെടുത്തുന്നു .സി 'ഡി.ടി.പി.പ്രൊജക്ട് ഓഫീസർ ശ്രീ ദിലീപ് കുമാർ പരിശീലനം നൽകി 'വാർഡ് മെംബർശ്രീമതി എം.എം.സുലോചന പ്രിൻസിപ്പാൽ കെ. ഡി. മാത്യു വനിതാ വേദി സെക്രട്ടറി സുധാ രാജേഷ് പ്രോഗ്രാം ഓഫീസർ കെ.എൻ മനോജ് കുമാർ എന്നിവർ സംസാരിച്ചു.

Saturday, October 29, 2016

ഗവ.ഹയര്‍ സെക്കണ്ടറി കമ്പല്ലൂര്‍ നല്ലപാഠം പ്രവര്‍ത്തകര്‍ കൃഷിയറിവ് തേടി വയലിലെത്തി.അധ്യാപകനും ജൈവ കര്‍ഷകനുമായ മു രളീധരന്‍നായരുടെ ആലക്കാട്ടെ വയലിലാണ് കുട്ടികള്‍ക്ക് നെല്‍കൃഷിയുടെ ജൈവപാഠങ്ങള്‍ പകര്‍ന്നുകിട്ടിയത്.നവര,മുണ്ടകന്‍
,ഗന്ധകശാല,രത്നശാലി തുടങ്ങിയ അപൂര്‍വവും വ്യത്യസ്തവുമായ ഇനങ്ങളെ പരിചയപ്പെട്ടു.125 ഇനം നെല്‍വിത്തുകളുടെ ശേഖരം സൂക്ഷിക്കുന്ന മുരളി മാഷ് തന്‍റെ കൃഷിയനുഭവങ്ങള്‍ വിവരിച്ചു.പഴയകാല കാര്‍ഷിക ഉപകരണങ്ങളും പരിചയപ്പെടുത്തി.അദ്ദേഹത്തോടൊപ്പം നാട്ടി നട്ടാണ് കുട്ടികള്‍ മടങ്ങിയത്.നല്ലപാഠം  കോഡിനേറ്റര്‍ കെ.എന്‍ മനോജ്കുമാര്‍ നേതൃത്വം നല്‍കി.

ദേശീയ ആയുര്‍വേദ ദിനത്തിന്‍റെ ഭാഗമായി 15 തരം ഔഷധ ചെടികളെപ്പറ്റി പഠനം

ദേശീയ ആയുര്‍വേദ ദിനത്തിന്‍റെ  ഭാഗമായി നാഷണല്‍ സര്‍വീസ് സ്കീം കമ്പല്ലൂര്‍ സ്കൂളും സജ്ജീവനി കമ്പല്ലൂരും സംയുക്തമായി വിവിധ പരിപാടികള്‍ സ്ംഘടിപ്പിച്ചു,പ്രമേഹ രോഗവും പ്രതിരോധവും എന്ന വിഷയത്തെ അടിസ്ഥാനപ്പെടുത്തി ബഡൂര്‍ വനത്തിലെ 15 തരം ഔഷധ ചെടികളെപ്പറ്റി പഠനം നടത്തി.പി. സജീവന്‍ വൈദ്യര്‍ നേതൃത്വം നല്‍കി.കമ്പല്ലൂര്‍ ആയുര്‍വേദ ഡിസ്പെന്‍സറിയില്‍ ഔഷധതോട്ടം നിര്‍മിക്കാനൂം തീരുമാനിച്ചു.കുട്ടികള്‍ക്ക് ആയുര്‍വേദത്തെപ്പറ്റി പ്രബന്ധ മല്‍സരവുംസംഘടിപ്പിക്കുന്നുണ്ട്  
                     

Recent photos
View photo in message
View photo in message
View photo in message

Sunday, October 2, 2016

വിത്തും കൈക്കോട്ടും- കാര്‍ഷിക മേഖലയെ പറ്റി സംവാദം

എന്‍.എസ് എസ് യൂണിറ്റ് സംസ്ഥാന ജൈവകര്‍ഷക അവാര്‍ഡ് ജേതാവ് അഗസ്തി പെരുമാട്ടിക്കുന്നേലിനെ ആദരിക്കുകയും കാര്‍ഷികമേഖലയെപറ്റി സംവാദം നടത്തുകയും ചെയ്തു.തേജസ്വനി സ്വയംസഹായ സംഘത്തിലെ കര്‍ഷകര്‍,വിദ്യാര്‍ത്ഥികള്‍ എന്നിവര്‍ പങ്കെടുത്തു.

ഗാന്ധിജയന്തി ഗ്രാമസേവാദിനമായി ആചരിച്ചു

2/10/2016
കമ്പല്ലൂര്‍ഗവ. ഹയര്‍ സെക്കണ്ടറി സ്കൂള്‍ നാഷണല്‍ സര്‍വീസ് സ്കീമിന്‍റെയും കടുമേനി വൈസ്മെന്‍ ക്ളബ്ബിന്‍റെയും നേതൃത്വത്തില്‍ ഗാന്ധിജയന്തി ഗ്രാമസേവാദിനമായി ആചരിച്ചു.കടുമേനി _ ബോംബെമുക്ക് റോഡ് ശുചീകരിക്കുകയും കുഴികള്‍ നികത്തി ഗതാഗതയോഗ്യമാക്കുകയും ചെയ്തു.ഹയര്‍ സെക്കണ്ടറി ജില്ലാ കോഡിനേറ്റര്‍ കെ.ഡി മാത്യു പ്രവര്‍ത്തനങ്ങള്‍ ഉദ്ഘാടനം ചെയ്തു.പ്രോഗ്രാം ഓഫീസര്‍ കെ.എന്‍ മനോജ്കുമാര്‍,ജോര്‍ജ്കുട്ടി കരിമഠം എന്നിവര്‍ സംസാരിച്ചു.

Sunday, September 25, 2016

കമ്പല്ലൂര്‍ ഹയര്‍ സെക്കണ്ടറി സ്കൂള്‍  എന്‍.എസ്. എസ് യൂണിറ്റ് പൊതുജനാരോഗ്യ ബോധവല്‍ക്കരണ പ്രവര്‍ത്തനങ്ങള്‍ക്ക് തുടക്കം കുറിച്ചു.നവജീവനം എന്നു പേരിട്ടിരിക്കുന്ന ഈ പദ്ധതിയില്‍ ജീവിതശൈലീരോഗങ്ങള്‍ക്കെതിരെയുള്
ള  വ്യാപക ബോധവല്‍ക്കരണമാണ് ഉദ്ദേശിക്കുന്നത്.കുടുംബശ്രീ യൂണിറ്റുകളുടെ സഹകരണത്തോടെയാണ്  ബോധവല്‍കരണ പ്രവര്‍ത്തനങ്ങള്‍ നടത്തുന്നത്.നാല് കുടുംബശ്രീ യൂണിറ്റുകളെ ഉള്‍പ്പെടുത്തി പെരളത്ത് ആദ്യ ക്ളാസ്സ് നടന്നു.ശ്രീ. ജയചന്‍ദ്രന്‍ മാസ്റ്റര്‍ ഉദ്ഘാടനം ചെയ്തു.ശ്രീമതി. ബിന്ദു സുധാകരന്‍ അദ്ധ്യക്ഷത വഹിച്ചു.പ്രോഗ്രാം ഓഫീസര്‍ കെ.എന്‍ മനോജ് കുമാര്‍ ,കെ ദാമോദരന്‍ എന്നിവര്‍ പ്രസംഗിച്ചു.ജൂനിയര്‍ ഹെല്‍ത്ത് ഇന്‍സ്പെക്ടര്‍ ശ്രീ. ഷാജി തോമസ് ക്ളാസ്സെടുത്തു.

Sunday, September 18, 2016

കമ്പല്ലൂര്‍ സ്കൂളിലെ എന്‍. എസ് എസ് യൂണിറ്റ് നടത്തിയ അരിയിട്ടപാറ ജൈവവൈവിധ്യ പഠന യാത്ര 16/09/2016

ജൈവവൈവിധ്യങ്ങളാല്‍ സമൃദ്ധമാണ് അരിയിട്ടപാറ.ചീമേനി പോത്താംകണ്ടത്തിനടുത്ത് സ്തിഥിചെയ്യുന്ന വിശാലമായ ചെങ്കല്‍പാറയാണ്  ഈ പ്രദേശം.
കമ്പല്ലൂര്‍ സ്കൂളിലെ എന്‍. എസ് എസ് യൂണിറ്റ് നടത്തിയ പഠന യാത്രയിലാണ് വിസ്മയകരമായ ജൈവവൈവിധൃങ്ങളെ അടുത്തറിഞ്ഞത്.കേരളത്തിലെ പ്രശസ്ത സസൃശാസത്രജ്ഞനും ശലഭനിരീക്ഷകനുമായ വി.സി. ബാലകൃഷ്ണനാണ് ക്ളാസ്സ് നയിച്ചത്.പെരിങ്ങോം എസ്.ഐ.ഷിനിത്ത് കെ.വി ഉദ്ഘാടനം ചെയ്തു.പരിസ്തിഥി പ്രവര്‍ത്തകരായ ജയേഷ് പാടിച്ചാല്‍,സജീവന്‍ വൈദ്യര്‍,പ്രോഗ്രാം ഓഫീസര്‍ കെ.എന്‍ മനോജ്കുമാര്‍ എന്നിവര്‍ സംസാരിച്ചു.
അരിയിട്ടപാറ ഓരോ ഋതുവിനും നിറം മാറുന്നു.നൂറുകണക്കിന് തുമ്പികള്‍,ശലഭങ്ങള്‍,പക്ഷികള്‍
,ചെറുസസ്തനികള്‍  ,സസ്യങ്ങള്‍ എന്നിവകൊണ്ട് ധന്യമാണ് ഇവിടം.കാര്യങ്കോട് പുഴയില്‍നിന്ന് കല്ലേമുട്ടി മീനുകള്‍ ചെറു കൈത്തോട് വഴി പ്രജനനത്തിനായി എത്രയോ ദൂരം താണ്ടി അരിയിട്ടപാറയിലെത്തുന്നു.
മയില്‍,പുല്ലുപ്പന്‍,വാനമ്പാടി,ഉള്‍പ്പെടെ നിരവധി പക്ഷികളെ ഇവിടെ കാണാം.തിത്തിരിപ്പക്ഷികളാണ് മറ്റൊരു കാഴ്ച.മഴ പെയ്യുമ്പോള്‍ പാറയിലുണ്ടാകുന്ന ചെറു കുഴികളിലാണ് ഇവ മുട്ടയിടുക.ഇറ്റിറ്റിപ്പുള്ള് എന്നും പറയും.പാറ മുഴുവന്‍ വളരുന്ന പാറമുള്ള് അഥവാ വേനല്‍പ്പച്ച മറ്റൊരു പ്രത്യേകതയാണ്.ഈ ചെടി പക്ഷാഘാത ചികിത്സക്ക് പേരുകേട്ടതാണ്.ജീരകപ്പുല്ല്,കാക്കപ്പൂവ്,ഇരപിടിയന്‍ചെടി,പാറകൊങ്കിണി,തുടങ്ങിയ സസ്യങ്ങളും ഇവിടെ സമൃദ്ധമാണ്.
അരിയിട്ടപാറയിലെ വിശാലമായ ചെങ്കല്ലുകള്‍ ജലം ആവാഹിക്കുന്ന സ്പോഞ്ച് പോലെ പ്രവര്‍ത്തിക്കുന്നു.ചുറ്റുമുള്ള പ്രദേശങ്ങളില്‍ ഇത് ജലസമൃദ്ധി നല്‍കുന്നു. പ്രാക്തന സംസ്കാരത്തിന്‍റെ ഓര്‍മകളുമായി നിരവധി മുനിയറകള്‍ ഇവിടെ കാണാം.ചരിത്ര കുതുകികളെയും,പ്രകൃതി നിരീക്ഷകരെയും ഒരുപോലെ ആകര്‍ഷിക്കുന്നു അരിയിട്ടപാറ